Við færum okkur öll til annars orkusala!

Ein af afleiðingum nánari tengsla við EU er frelsi í (raf)orkusölu.  Nú getum við flutt okkur til annarra fyrirtækja t.d. Norðurorku, Orkubús Vestfjarða, Hitaveitu Suðurnesja, Orkusölunnar (RARIK) eða kannski Rafveitu Reyðarfjarðar.  Orkureikningurinn ætti ekki að hækka en líklega setja þeir á okkur einhvern annan skatt til að stoppa upp í gatið.  Mikið ótrúlega hlýtur það annars að vera notalegt að geta látið aðra (skattborgarana) greiða fyrir sína eigin óráðshýja og þurfa enga ábyrgð að bera.!
mbl.is Engin ánægja að hækka gjaldskrár
Tilkynna um óviðeigandi tengingu við frétt

Ekki frönsk vél

Skv. upplýsingum frá ýmsum miðlum þá var um að ræð C-17 Globemaster flutningavél frá Elmendorf 3'rd Wing, US Airforce.  Vélin var á æfingu við Elmendorf herstöðina.

 


mbl.is Flutningaflugvél fórst í Alaska
Tilkynna um óviðeigandi tengingu við frétt

Hvað segir þetta okkur?

Eru þetta merki um Stokkhólmshelkenni?
mbl.is Treysta Davíð til að leiða landið út úr kreppunni
Tilkynna um óviðeigandi tengingu við frétt

Tréspýta ?

Er þetta íslenska?  Woundering   Ég hélt að þetta væri "flæðarmál" sem væri notað af börnum og einstaka grínara.  Skv. þessu þá ætti að vera til fleiri gerðir af spýtum en ég þekki þær ekki.  Kannski sjáum við næst plastspýtu og járnspýtu osfr.
mbl.is Drápu yfirmann sinn vegna uppsagnar
Tilkynna um óviðeigandi tengingu við frétt

Tímabær aðgerð

Ég tel að þessi aðgerð sé löngu tímabær.  Vonandi skiptir ekki lengur máli hvernig tekið er á málum eftir búsetu en lengi hefur verið orðrómur um að það séu ekki allir jafnir fyrir skattalögum í landinu og það skýrt með því að ekki sé samræmi í málsmeðferð skattstjórann.  Ef það er rétt þá verður það vonandi úr sögunni með því að hafa landið eitt skattaumdæmi. 

Mér skilst að þannig sé því hátta í okkar nágranalöndum og því merkilegt af hverju við í þessu örríki þurfum að hafa marga skattstjóra.  Næsta skref er að gera skattareglur einfaldari og gagnsærri þannig að ekki sé lengur hægt að nýta sér lagakróka til að skjóta undan skatti.  Ríkisjóður er jú bara við fólkið og það vilja allir fá sem besta þjónustu frá ríkinu en færri greiða kostnaðinn.


mbl.is Ísland eitt skattumdæmi
Tilkynna um óviðeigandi tengingu við frétt

"Stór" mótmæli?

Hvernig er stærð mótmæla skilgreind...er ekki vaninn að tala um fjölmenn mótmæli eða mjög fjölmenn mótmæli? Er ég kanski bara svona gamaldags í málnotkun og málskilningi?
mbl.is Stór mótmæli í Kaupmannahöfn
Tilkynna um óviðeigandi tengingu við frétt

Traust?

Er einhver hissa á að þjóðinni gangi illa að fá traust á þessum stofnunum og skilanefndum þegar svona vinnubrögð eru viðhöfð.  Í mínum huga er þetta álíka gáfulegt og að fá glæpamenn til að rannsaka eigin glæp!  

En það virðist vera lenskan í þessu ótrúlega bankaráni.   Ef fram fer sem horfir verður það niðurstaðan að helvítis almenningurinn hafi staði á bak við þetta allt og eigi refsinguna skilið...að borga allt svínaríið.   Svo verð ég að lýsa furðu minn á því af hverju þessir menn voru yfir höfuð ráðnir í skilanefndina (núverandi og fyrrverandi)  Þetta virðast flest allt vera aðilar sem eru verulega bendlaðir við bankahrunið á einn eða annan hátt, beint eða óbeint.  Er svona lítið af hæfu fólki hér að þetta skuli hafa verið eina lausnin eða voru aðilar að verja sína eigin hagsmuni og sinna vina? Stórt er spurt og að venju engin svör.

 


mbl.is FME gerir ekki athugasemd við ráðningu
Tilkynna um óviðeigandi tengingu við frétt

Kraftur í Kananum

Það verður mikill kraftur í Kananum skv. þessum upplýsingum eða 2000
kílówött.  Nokkuð mikið, þetta eru 2 Megawött og verður væntanlega með
kraftmeiri útvarpsstöðum.  Ætli fjarskiptastofnun geri ekki
athugasemdir við þetta?  Svo er það spurningin sem flestir vilja væntanlega fá svar við..á hvaða tíðni ætlar
Kaninn að senda út??


Af hverju ekki að merkja allar vörur?

Ég hef furðað mig á því af hverju allar vörur eru ekki merktar upprunalandi, er verið að fela eitthvað?  Hvað með td. ávexti, ég vil geta valið ávexti og ráða því hvort ég kaupi ávexti frá einu eða öðru landi.  Hér áður fyrr reyndi ég að sneiða frá vörum frá Suður Afríku en það gekk ekki alltaf þrautalaust.  Þessa daganna reyni ég að sneiða hjá Ísraelskum vörum en það gengur illa ef upprunaland er ekki merkt.

Eru það ekki sjálfsögð mannréttindi að fá að vita hvaðan vara kemur eða er það háð náð yfirvalda/innflytjenda/verslunareigenda hvort við fáum þessar upplýsingar?  Þetta er auðvelt að bæta og vert verkefni fyrir ráðamenn að kippa þessu í liðinn með lítilli reglugerð. 

ps. munið að hafa viðurlög við brotum á þessu, annars tekur enginn mark á þessu.


mbl.is Matjurtir merktar upprunalandi
Tilkynna um óviðeigandi tengingu við frétt

Ábyrgðarlausir útgerðagreifar

Svona vinnubrögð sýna svart á hvítu að það er bara græðgi sem ræður ríkjum hjá útgerðargreifunum. Hvernig á að vera hægt að trúa þessum mönnum sem segja að það sé í lagi að auka kvóta, nóg af fiski, veiða meira, annars fer fiskurinn eða drepst! 

Við þessar makrílveiðar er skákað í skjólinu að þeir séu að fá veiðireynslu en þetta sýnir að það er gert hvað sem það kostar.  Er einhver hissa þó við séum ásökuð um græðgi og villimennsku þegar kemur að þessum veiðum.  Svo væri fróðlegt að vita hver stór hluti meðaflans skilar sér í land, það hefur gerst áður að "óheppilegum" afla hefur verið hent, sé landað fram hjá vigt eða undir röngu tegundaheiti.  Spurning hvort slíkt eigi sér stað núna hjá þeim.

Ég minni á grát útgerðarmanna hér áður fyrr þegar þorskstofninn var eyðilagður, þá héldu þeir því fram að það yrði að veiða þennan fisk sem annars mundi drepast eða verða engum að gagni.  Þúsundum tonna af stórþorski, sem var að koma til hrygningar, var mokað upp í hringnót við suðurströndina.  Stóran hluta var ekki hægt að nýta og var því settur í bræðslu!  Þarna var var á stuttum tíma þurrkaður upp besti fiskurinn í stofninum.

Hvar er Hafró?  Af hverju grípur ráðuneytið ekki inn í málið......af hverju er græðgisvæðingin enn við lýði hjá útgerðinni? Ber engin ábyrgð á þessu?  Þessir menn bera ekki hag þjóðarinnar og auðlindarinnar fyrir brjóst, þeir hugsa bara um sjálfan sig.  Þessum mönnum er ekki treystandi!


mbl.is Kapphlaup um makríl skilar lægra verði
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband