Færsluflokkur: Bloggar

Framkvæmdir strax, deilum svo um hver skal borga.

Af hverju er borgin ekki búin að girða skólann af?  Borgin girðir í kringum aðra skóla borgarinnar.  Ef ykkur er annt um börnin þá ætti að þrýsta á borgina, hún getur síðan rukkað vegagerðina /ríkið ef þetta er svona dýrt og /eða ef kostnaðarskipting er á slíkum verkum.   Kostnaðurinn við slíka girðingu er varla meiri en ein meðal móttaka hjá borginni og ég held að allir séu sammála um að líf barnanna okkar er meira virði en það!  Svo má velta  því fyrir sér hvort staðsetning skólans svo skammt frá þjóðveginum sé skynsamleg.


mbl.is Þolinmæði Kjalnesinga á þrotum
Tilkynna um óviðeigandi tengingu við frétt

Hefur bærinn stækkað?

Alls óskillt þessu vonda máli, myndin er ekki af Sandgerði.  Þetta er Reykjanesbær / Njarðvík-Keflavík en þó má sjá Garð og Sandgerði í fjarska ef vel er gáð.
mbl.is Ráðist á nemanda í Sandgerðisskóla
Tilkynna um óviðeigandi tengingu við frétt

Iðnaðarmenn....

Ég hef ekki lent í svona uppákomu en einn galla hafa flestir þeir iðnaðarmenn sem ég hef átt samskipti við.  Þeir kunna ekki á klukku, ekki einu sinn á dagatal, flestir kunna þó á ártal  Grin 

Mörgum gengur líka illa að klára verkinn, oft er eitthvað smáræði eftir sem dregst í vikur eða mánuði og klárast jafnvel aldrei.

Það mætti mennta þá betur í stundvísi og að halda gefin loforð.  Vantar kannski fag í iðnskóla sem heitir "stundvísi og að skipuleggja tímann"

Flestir eru fínir strákar (og stelpur) og gott fagfólk en þarna mættu þeirra bæta sig.


mbl.is Pípulagningamaðurinn sakfelldur fyrir líkamsárás
Tilkynna um óviðeigandi tengingu við frétt

Er álit lögmanna einhvers virði?

Ég get varla séð á þeim lögum sem þegar eru í gildi að lögmenn gefi almennt góð ráð.  Stór hluti laga er meingallaður, oft eru lögin þrælgloppótt, ótrúlega flókin og skrifuð þannig að vonlaust er fyrir tvo lögmenn að lesa það sama úr þeim.  Síðan vantar oft viðurlög eða að þau eru hlægilega léttvæg og sektarákvæði næstum aldrei bundin verðlagsviðmiðunum.  Hver er skoðun lögmann á því?  Eru þetta dæmi um góðar ráðleggingar?

Ég held að þeir lifi í öðrum heimi þar sem mottóið er "til hvers að hafa lögin einföld ef hægt er að hafa þau flókin" og að það sé þeirra aðal ráðlegging hingað til.

Þess utan er vert að benda á að stórhluti alþingismanna og ráðherra eru lögmenn og því mætti lesa  dálitla sjálfsgagnrýni í þessu.

Væri ekki réttarar að lögmannafélagið beitti sér fyrir hreinsun og uppfærslu á lagasafni þjóðarinnar og hefði að markmiði  jafnræði, sanngirni og gegnsæi í nýjum og/eða endurbættum lögum. Þá væri kannski möguleiki að almenningur skyldi þau. 

#Réttaröryggi þarf líka að vera fyrir þolendur en ekki bara fyrir sakborninga!


mbl.is Lögmannafélagið gagnrýnir vinnubrögð Alþingis
Tilkynna um óviðeigandi tengingu við frétt

Óhæfir stjórnendur?

Ég tel það vera lágmarkskröfu að æðstu stjórnendur landsins séu með þokkalegt minni og skrifi þá hjá sér minnispunkta um samtöl sem þeir eiga við embættismenn og aðra.  Almenningur má sitja undir því að þessu fínu herrar muna fátt og framkvæma lítið en segjast bera mikla ábyrgð.  Lítið er síðan hægt að rekja þegar einn kemur með yfirlýsingar en sá næsti man ekki neitt.  Hverju eigum við að trúa?  Hvernig er hægt að hafa trú á svona fólki? Devil

Og svo virðast þeir hafa gleymt eftirlaunafrumvarpinu þótt margoft sé búið að minna þá á það. 

Skiptum þessu liði út, utanþingsstjórn sérfræðinga væri mun betri kostur og þá þarf engar kosningar í bráð!


mbl.is Man ekki eftir símtali við Davíð
Tilkynna um óviðeigandi tengingu við frétt

Hvað með starfslokasamninga?

Fróðlegt væri að vita á hvaða kjörum þeir labba út, fá þeir bara hlutabréf í gamla bankanum eða 20 millur á mánuði í 2 ár?  Ætli einhver viti það sem vill segja frá?
mbl.is Verða Landsbankanum til ráðgjafar
Tilkynna um óviðeigandi tengingu við frétt

Röng mynd

Vélin á myndinni virðist vera Boeing 717 en ekki MD 83.
mbl.is Vængbörð Spanairþotunnar virkuðu ekki
Tilkynna um óviðeigandi tengingu við frétt

Er þetta eitthvað nýtt þegar MS er annars vegar?

Því miður hefur óstöðuleiki og bilanir verið eitt af því sem MS er þekktast fyrir.  Þetta kemur því lítið á óvart.  Vörur frá þessu fyrirtæki virðast hafa afar langan þroskaferil til að fá rétta virkni sem er ótrúlegt þegar horft er til þess hve ör þróun er í þessum geira.  Þeir ættu að hugsa meira um vörugæði heldur en einokun...eða hvað?
mbl.is Vandræðalegt fyrir Microsoft
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband